ޗުއްޓީ ދަތުރު
2023 ވަނަ އަހަރުގެ ފުރަތަމަ ދައުރުގެ މެދު
ޗުއްޓީއެވެ. އަހަރެންނާއި އަހަރެންގެ އާއިލާ ރ. އުނގޫފާރަށް ދިއުމަށް ރޭވީމެވެ.
އެދަތުރުގައި އަހަރެންނާއި އަހަރެންގެ އާއިލާގެ ދެމެންބަރަކު ވެސް ބައިވެރިވިއެވެ.
އުނގޫފާރަށް ދިއުމަށް ޓަކައި އަހަރެމެން ފުރީ ހުކުރު ދުވަހުގެ ރޭ 11:45 ގައި
މޯލްޑިވިއަން Q2288 ގެ ފްލައިޓުންނެވެ. އަހަރެމެން ދަތުރުކުރި
ފްލައިޓް އިފުރު އެއާޕޯޓަށް ޖެއްސީ އެރޭ 12:25 އެހައިކަށްހާއިރުގައެވެ.
އަހަރެމެން ބަލައި
އެއާޕޯޓަށްދިއުމަށް ހަމަޖެހިފައިވާ ލޯންޗް އައުން ލަސްވެގެން އިފުރު އެއާޕޯޓުގެ
ގިމަތައިގައި އިރުކޮޅަކު އަހަރެން މަޑުކޮށްލަންޖެހުނެވެ. ނަމަވެސް
މާގިނައިރެއްނުވެ އެއަރޕޯޓުގެ ބަގީއެއްގައި އަހަރެމެންގެ ފޮށިތަންމަތި ޖެޓީއަށް
ގެންދިޔައެވެ.
އަހަރެންނަށް އުނގޫފާރަށް
ދެވުނީ އެރޭގެ 12:50 އެހައިކަށް ހައިއިރުކަމުން އެންމެފުރަތަމަ ވެސް އަވަސްވެގަތީ
އަހަރެމެން ތިބެން ހަމަޖެހިފައިވާ ގެއަށް ދިއުމަށެވެ. އަހަރެމެންނަށް ގެއާއި
ހަމައަށް ދެވުނުއިރު އިންތިޒާރުގައި އެގޭގައި ދިރިއުޅޭ އަހަރެންގެ އާއިލާގެ އެހެން
ދެކުއްޖަކު މަގުމައްޗަށް ނިކުމެ ތިއްބެވެ.
މިދަތުރުގައި އަހަރެމެން
ވަރަށް ގިނަކަންތައްތައް ކުރީމެވެ. އެންމެ ފުރަމަ ހެނދުނުގެ ސަޔަށް ފަހު
އަހަރެމެނެ ދިޔައީ އަތިރިމައްޗަށެވެ. އެތާގައި ވަރަށްގިނަ ޖޯލިފައްޗާއި
އޮނދޯލިތައް ވެސް އެލުވާފައި ހުއްޓެވެ. އަދި މޫދަށް އެރުމަށްފަހު ފެންވެރޭގޮތަށް
ހަދާފައިވާ ފެން އިސްކުރުތަކުގެ އިތުރުން ކުޑަކުދިން މޫދަށް އެރެން
ބޭނުންކުރާކަހަލަ ރިންގާއި އެފަދަ އެހެންސާމާނުތައް ވެސް ހުއްޓެވެ. އަހަންނާއި
އެކުގައި ދިޔަ ކުދިން މޫދަށްއެރުމާއި ތަފާތު އެކިއެކި ކުޅިވަރުތައް ކުޅުމަށްފަހު
އެނބުރި ގެއަށް އައީ 10:45 ހައިއިރުއެވެ. އެއަށްފަހު އެންމެން ފެންވަރައިގެން
މެންދުރުނަމާދުކުރިއެވެ. އޭގެފަހުން ދެންއޮތީ މެންދުރުގެ ކެއުމެވެ. ކާންހުރީ
ބަތާއި ގަރުދިޔައާއި ތެލުލި މަހެވެ.
އަހަރެމެން 5 ދުވަސް ވަންދެން އެރަށުގައި ހޭދަކުރުމަށްފަހު އެނބުރި މާލެއައީ ކްރިސްޓަލް ސްޕީޑު ލޯންޗްގައެވެ. އެ ދަތުރުގައި އެރަށުގައި ހޭދަކުރި ދުވަސްތަކަކީ އެތައް އާ ތަޖުރިބާތަކެއްކުރެވުނު ވަރަށް މަޖާ އަދި އެހާމެ އުފާވެރި ދަތުރެކެވެ.
